"معلومة بطب الأسنان عل ماشي"❤️ من أغلب المفاهيم الخاطئة يلي سمعتا خلال مسيرتي المهنية انو اذا المريض ما تخدر من خامس امبولة بقا الحق على المريض مثلا مدخن اليوم او مثلا مثلا شربان قهوة أو او او غالبا هاد الشي مفهوم خاطئ جدا والخطأ بهي الحالة رح يترك حالة نفسية عند المريض انو هو ما بيتخدر الا ب ٥ امبولات لذلك المريض عند اي طبيب تاني ما رح يتخدر غير ب ٥ امبولات لان حاطت براسو هاد الشي وهي عن تجربة صارت معي من اسبوعين اجاني مريض عالعيادة قلي يا دكتور انا ما بتخدر غير ب ٣ امبولات فأنا هون استخدمت خبرتي واستغليت الحالة النفسية وخبرتي العملية وأقنعت المريض انو بيتخدر بامبولة وحدة وانا بنفسي حقنت بالمكان الصحيح وهيك المريض اقتنع وتخدر بامبولة وحدة المغزى من حديثي انو الطبيب يلي ما بيعرف يحقن لا يتهم المريض وياثر على حالته النفسية لان بجد بتلعب دور كبير بالتخدير وتوتر المريض مستقبلا والمريض لازم نهيئو نفسيا ونساعدو اذا عندو خوف أو رهبة من الإبر لحتى يتجاوب معنا ونضل على علم بكل الطرق الصحيحة لدراسة الحالة النفسية عند المريض والبحث بكل الطرق الصحيحة لتحقيق حقنة جيدة عن طريق دراسة التشريح الصحيح كمان بدون ما نحط الخطأ على المريض هيئو نفسكم صح واتوسعوا وابحثوا صح لتوصلوا بالشكل الصحيح للمرتبة العلمية يلي بتساعدكم لتفتحوا اكبر عيادة وتكونوا من أشطر الدكاترة ❤️❤️ الدكتور علي شاهين